Чеченистонлик 6 ёшли Раҳим Қуриев янги рекорд ўрнатди

Чеченистонлик 6 ёшли Раҳим Қуриев брус ёрдамида машқ қилиш бўйича янги рекорд ўрнатди. Бу ҳақда «Комсомолская правда» хабар берди.

Болакай брусда бир уринишда 330 марта ҳаракатни бажарди.

Нашрнинг тасдиқлашича, бу унинг тенгқурлари орасида жаҳон рекорди ҳисобланади. Мазкур натижа Россиянинг рекордлар китоби вакиллари томонидан расмий равишда тасдиқланди.

Қайд этиш жоиз, Раҳим 2018 йилнинг 12 ноябрь санасида 2 соат 26 дақиқа ичида ётган ҳолда икки қўлда гавдани тушириб-кўтариш машқини 4105 та бажарганди. Аввалги уринишларида кичик хатога йўл қўйгани сабаб рекорд тасдиқланмаганди.

У ўз муваффақиятини Чеченистон раҳбари Рамзан Қодировга бағишлади, шундан сўнг Қодиров болага оқ Mercedes ҳадя қилди.

Ноябрь охирларида Қуриев 2 соат 30 дақиқа ичида  ётган ҳолда икки қўлда гавдани тушириб-кўтариш машқини тўхтовсиз​ 3202 марта бажариб, Россия рекордлар китобига киритилганди.

Ота-онасининг сўзларига кўра, болакай спорт билан бир неча йилдан буён шуғулланиб келади. У машқларни, асосан, отасининг назорати остида бажаради. Отаси ўз фарзандини олимпиадачи қилиш орзусида. Бундан ташқари Раҳим шпагатда ўтира олади ва қўлларида турган ҳолда таёқчани ушлай олади.