11—16 март кунлари Ўзбекистонда «Хотин-қизлар спорт ҳафталиги» ўтказилди. Бу ҳақда «Дарё»га Хотин-қизлар қўмитаси матбуот хизмати хабар берди.
Спорт ҳафталиги давомида бадантарбия машғулотлари, спортнинг бадминтон, воллейбол, стол тенниси, эстафета баҳслари, шахмат ва шашка турлари бўйича спорт тадбирлари ўтказилди.
Ҳафталик доирасида 4 412 та спорт ва бадантарбия тадбирларида 3 миллиондан ортиқ хотин-қизлар иштирок этди.
Шунингдек, Ўзбекистон Республикаси Мудофаа вазирлиги ҳамда Ички ишлар вазирлиги тизимида фаолият юритиб келаётган хотин-қизлар мазкур ҳафталикда фаол иштирок этиб, унда 2 246 нафар хизматчи аёллар қамраб олинди.
Ҳафталик давомида республика бўйлаб «Спорт саломатлик гарови» шиори остида юриш бўйича оммавий марафонлар ўтказилди. Мазкур марафонда жами 100 552 нафар фаол бўлмаган қизлар, уй бекалари ва катта ёшдаги хотин-қизлар иштирок этди.
Изоҳ (0)