Озарбайжон пойтахти Боку шаҳрида спорт гимнастикаси бўйича жаҳон кубонинг навбатдаги босқичи ўз якунига етиб бормоқда, деб хабар беради МОҚ.
16 март, шанба куни аёллар ўртасида таяниб сакраш бўйича финал босқичи бўлиб ўтди.
Энг кучли 8 нафар спортчи орасида баҳс олиб борган ўзбекистонлик Оксана Чусовитина 14,450 балл билан иккинчи ўринни қўлга киритди.
Финалчилар орасида фақатгина америкалик Жейд Кери Чусовитинанинг натижасини яхшилай олди, холос. Шу тариқа Чусовитина мусобақанинг кумуш медалини қўлга киритди. Шоҳсупанинг учинчи поғонасидан мексикалик Алекса Морено жой олди.
Спорт гимнастикаси. Жаҳон кубоги.
Аёллар, таяниб сакраш
1. Жейд Кери (АҚШ) – 14,766
2. Оксана Чусовитина (Ўзбекистон) – 14,450
3. Алекса Морено (Мексика) – 14,249
Чусовитина 20—23 март кунлари Доҳада бўлиб ўтадиган жаҳон кубогининг навбатдаги босқичига йўл олади. Янги регламентга кўра, айнан ушбу мусобақалар Токио—2020 Олимпаидаси учун саралаш босқичлари вазифасини ўтаб беради.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)