Chechenistonlik 5 yoshli Rahim Quriyev 2 soat 26 daqiqa ichida yotgan holda ikki qo‘lda gavdani tushirib-ko‘tarish mashqini 4105 ta bajarib rekord qo‘ydi, deb xabar beradi “Report.az”.

Foto: “Report.az”

Checheniston sport vazirligi rahbari Musa Xanarikov so‘zlariga ko‘ra, bolakay mazkur harakatni bir haftadan keyin yana takrorlashga tayyor. Boisi uning rekordi hozircha rasman tasdiqdan o‘tmagan. Bolakayning harakatlar aks etgan video Rossiyaning rekordlar kitobiga yuborilgan. Biroq tashkilot a’zolarida bir qancha savollar paydo bo‘lgan, shu sababdan bolakay mashqlarni bir haftadan keyin qaytadan namoyish etadi.