15 март, жума куни Швейцариянинг Ньон шаҳрида Европа Лигаси 1/4 финалига қуръа ташлаш маросими бўлиб ўтди.
Қуръа натижасига кўра, Лондоннинг «Арсенал» клуби сафарда Италиянинг «Наполи» клуби билан мусобақанинг 1/2 финали учун кураш олиб борса, Маурицио Сарри бошлиқ «Челси» эса Праганинг «Славия» жамоаси билан ўйнайди.
Маълумот учун, чорак финалнинг дастлабки ўйинлари 11 апрель, жавоб баҳслари 18 апрель санасида ўтказилади. Ярим финал беллашувлари бўлса, 2 май ҳамда 9 май кунлари ўтказилиши белгиланган. Жорий йилги финалга эса 29 май куни Бокудаги «Олимпийски» стадиони мезбонлик қилади.
Қуйида Европа Лигасининг 1/4 финали жуфтликари келтирилган:
- «Славия»—«Челси»
- «Вильярреал»—«Валенсия»
- «Наполи»—«Арсенал»
- «Бенфика»—«Айнтрахт»
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)