Ғазо ҳудудида фаолият юритаётган фуқаролик мудофаа хизматининг маълум қилишича, Исроил ҳаво ҳужумлари натижасида камида 29 нафар фаластинлик ҳалок бўлган, уларнинг 6 нафари эса болалардир. Қурбонларнинг баъзилари сув тарқатиш пунктида ўлдирилган.
Мазкур ҳужумлар бир ҳафтадан бери Қатарда давом этаётган Исроил ва ҲАМАС музокаралари боши берк кўчага кирган бир пайтда юз берди.
Ғазо фуқаролик мудофааси вакили Маҳмуд Бассолнинг AFP ахборот агентлигига маълум қилишича, анклав 12—13 июль кунлари бир неча маротаба ҳаво ҳужумига учради. Натижада саккиз киши, жумладан, аёллар ва болалар ҳалок бўлган. Шунингдек, у Нусейрат қочқинлар лагери яқинига берилган зарбада бир оиладан 10 киши ўлдирилганини маълум қилди.
Бассолнинг айтишича, Исроил ҳаво кучлари Ал-Маваси ҳудудида кўчирилган аҳоли учун тикилган чодирга зарба бериб, яна 3 кишининг ҳаётига зомин бўлган.
Айни пайтда Исроил армияси Ғазо бўйлаб босқин ҳаракатларини яна интенсивлаштирган. Қатарда давом этаётган сулҳ музокаралари эса боши берк кўчага кириб қолган.
Изоҳ (0)