Афғонистон шарқидаги Нангархар вилоятида парламент сайловига номзод бўлган Ҳаёт Хон теракт оқибатида ҳалок бўлди. Бу ҳақда «РИА Новости» хабар берди.
Хабар берилишича, сиёсатчининг ёнида худкуш террорчи ўзини портлатган. Портлашда яна уч киши қурбон бўлган.
Мамлакат шимоли-ғарбидаги Фароб вилоятида «Толибон» жангарилари томонидан округдаги тахминан уч мингта оиланинг вакили бўлган оқсоқол Мўмин Араб ўлдирилган. Хабар берилишича, толиблар эркакни 29 июль куни ўғирлаб кетган, душанба куни эрталаб эса унинг бошини чопиб ташлаган.
Афғонистонда парламент сайловлари октябрь ойига режалаштирилган, президентлик сайлови эса 2019 йилда бўлиб ўтиши керак.
Изоҳ (0)