Испания шаҳарларидаги таксичилар номаълум муддатли иш ташлашни давом эттирмоқда. Улар Uber ёки Cabify платформалари учун автомобилларни ижарага берадиган компанияларга лицензия беришга қарши чиқмоқда. Бу ҳақда «Корреспондент.net» хабар берди.
30 июль куни эрталаб бир ярим мингдан ортиқ такси Барселонанинг марказий кўчалари бўйлаб икки томонга ҳам ҳаракатни тўхтатиб қўйган. Иш ташлаш минглаб сайёҳлар ва аҳолига таъсир қилган.
28 июль куни муддатсиз иш ташлашга қўшилган Мадрид шаҳри таксичилари пойтахтдаги асосий йўллардан бирининг ўнта қаторидан саккизтасини тўсиб қўйган.
Иш ташлаш мамлакатнинг Малага, Валенсия, Сарагоса ва бошқа шаҳарларида ҳам давом этмоқда.
Намойишчилар вакиллари Ривожланиш вазирлиги вакиллари билан учрашишни режалаштирмоқда. Агар уларнинг талаблари бажарилмаса, таксичилар вокзаллар, аэропортларга борадиган йўллар ва ҳатто Франция билан чегарани ҳам тўсиб қўйиш билан таҳдид қилмоқда.
Изоҳ (0)