Бугун,

  • USD 11095.31
  • RUB 173.84
  • EUR 10772.44

4 июль куни бўлиб ўтган Халқаро пресс клубнинг навбатдаги сессияси Ўзбекистон Президентининг «Фуқаролик ҳолати далолатномаларини қайд этиш тизимини янада такомиллаштириш чора-тадбирлари тўғрисида»ги қарори муҳокамасига бағишланди.

Фото: Getty Images

Фото: Getty Images

Сессияда Ўзбекистон Республикаси Вазирлар Маҳкамаси ҳузуридаги «Оила» илмий-амалий тадқиқот маркази, Хотин-қизлар қўмитаси, Соғлиқни сақлаш вазирлиги, Халқ таълими вазирлиги, «Маҳалла» ҳайрия жамоат фонди вакиллари, имом-хатиблар, миллий ва хорижий ОАВ вакиллари иштирок этди.

Тадбирда соҳага масъул бўлган мутасадди вазирлик ва идоралар раҳбарлари, мутахассислар қарорнинг мазмун-моҳияти, унда қайд этилган муаммолар, уларни тўлиқ бартараф этиш, белгиланган вазифаларни тўлақонли амалга ошириш, умумий қилиб айтганда, бевосита аҳолига кўрсатилаётган давлат хизматларини сифати ва самарадорлигини яхшилаш бўйича бажарилиши лозим бўлган ишлар ҳақида баҳс-мунозара юритиб, тегишли таклиф ва тавсиялар билдирди.

Сессияда қайд этилишича, Ўзбекистон аҳолиси сўнгги 50 йил ичида уч бараварга ёки 22,37 миллион кишига кўпайган. Мамлакатда туғилиш динамикаси ҳам йилдан йилга ошиб бормоқда. 2000 йилда Ўзбекистонда 527 580 нафар чақалоқ дунёга келган бўлса, 2017 йилда бу кўрсаткич 722 094 нафарни ташкил этди. Ўтган йили мамлакатда 375 192 нафар ўғил, 346 894 нафар қиз болалар дунёга келган.

Афсуски, Ўзбекистонда йилдан йилга никоҳдан ажралишлар сони ҳам ортиб бормоқда. 2011 йилда 18 647 тани ташкил қилган бўлса, 2017 йилда бу кўрсаткич 31 930 тани ташкил этган. Бу эса ўтган йили қурилган ҳар 100 та никоҳдан 11 таси ажрим билан якунланган, дегани. 2017 йилда қайд этилган ажримларнинг 67,4 фоизига ўзаро келишмовчилик, 2,8 фоизига хиёнат ва бошқа сабаблар, 6 фоизига бошқа оила қуриб яшаётганлиги, 4,7 фоизига фарзандсизлик, 2,9 фоизига эт-хотиннинг узоқ вақт бирга яшамаслиги, 3,8 фоизига томонлардан бирининг бошқа давлатга чиқиб кетганлиги сабаб бўлган.

Изоҳ
Асосий янгиликлар
Дунё
Қозоғистон пойтахтида намойишлар бўлиб ўтмоқда (видео)
Маҳаллий
Қорақалпоғистонда ЙПХ ходими радар ўрнатилган машинасида таксичилик қилгани айтилмоқда (видео)
Спорт
Искандаров — энг яхши футболчи, Кападзе — энг яхши мураббий. Ўзбек футболида 2022 йилнинг энг яхшилари аниқланган маросимдан фоторепортаж