7—10 июль кунлари Ўзбекистон ҳудудига Туркманистон орқали Эрон томондан қуруқ ва ўта исссиқ ҳаво кириб келади. Бу ҳақда Гидрометеорология хизмати маркази маълум қилди.
Шу кунлари Республика бўйлаб ўртача йиллик кўрсаткичлардан 5-7 даража баланд бўлган фавқулодда жазирама об-ҳаво ҳукм суриши кутилмоқда. Кундузги пайт ҳарорат 40-43 даражагача кўтарилади.
Бухоро, Навоий, Қашқадарё ва Сурхондарё вилоятларида ҳаво 44-45 даражагача исийди, гармсел келиши мумкин.
7—10 июль кунлари ҳаво ҳарорати кўтарилиши муносабати билан республиканинг тоғолди ва тоғли ҳудудларига Тожикистон ва Қирғизистондан музликлар эриши ҳисобига ҳосил бўладиган сел оқимлари ўтиши мумкин.
Изоҳ (0)