Маълумотларга кўра бир кунда Тошкент шаҳрига вилоятларимиздан 4 мингдан ортиқ автоуловлар кириб келади ва аксинча. Пойтахтга энг кўп транспорт қатнови Роҳат айланма йўли орқали амалга оширилиши кузатилган. Бу ҳақда Тошкент шаҳар ҳокимлиги ахборот хизмати хабар беради.
Эътибор берган бўлсангиз ушбу айланма йўлда кўплаб тирбадликлар юзага келар эди. Қолаверса, орангизда ушбу тирбандликлар иштирокчилари бўлиши табиий. Бунинг асосий сабаби эса йўлнинг 3 йўлакдан иборат бўлганлиги ва пойтахтимизга ташриф буюрувчилар ҳамда меҳмонларнинг сони йилдан йилга ошиб бораётганлигидадир.
Тошкент шаҳар ҳокимлигининг ташаббуси билан ушбу тирбадликларни бартараф этиш чоралари кўрилиб кенг кўламдаги қурилиш, таъмирлаш, ободонлаштириш ишлари бошлаб юборилди. Ушбу ишлар натижасида Роҳат чорраҳасида юзага келаётган ноқулайликлар 3 кун ичида бартараф этилиб, 5 йўлакли айланма йўл замонавий чорраҳа қиёфасига келтирилади.
Албатта, амалга оширилаётган ушбу қурилиш ишлари аввалгиларининг давоми сифатида йўлларнинг 5 йўлакли айланма йўлига айланиши, пойтахтимизга ташриф буюраётган меҳмонларига ўзгача совға бўлади.
Вақтинчалик юзага келаётган ноқулайликлар учун Тошкент шаҳар ҳокимлиги шаҳримиз аҳолиси ҳамда меҳмонларидан узр сўрайди!
Изоҳ (0)