Давлат солиқ қўмитаси ташабуси билан Бош прокуратура, Бош прокуратура ҳузуридаги департамент, Мажбурий ижро бюроси, Олий Суд ва Молия вазирлиги билан ҳамкорликда «Солиқ қарзининг пайдо бўлиш сабаблари, тўловларнинг амалга оширилишида учраётган муаммолар ва уларни ҳал этиш йўллари» мавзусидаги «Очиқ эшиклар куни» бўлиб ўтди. Бу ҳақда қўмита матбуот хизмати маълум қилди.
Унда 925 та корхона вакиллари ва 118 нафар жимоний шахс, жумладан, Давлат солиқ қўмитасининг марказий студиясида Тошкент шаҳар ва Тошкент вилоятидан рўйхатдан ўтган солиқ қарзи мавжуд 275 корхона ва 118 нафар жисмоний шахс, ҳудудлардаги студияларда 650 корхона мутасаддилари ва жисмоний шахслар фаолиятида учраётган муаммолар муҳокама этилди.
Тадбирда бюджетдан молиялаштириладиган 211 та корхонанинг 44,5 миллиард сўм солиқдан қарзи ундирилмасдан турганлиги муҳокама этилиб, тасдиқланган ҳаражатлар сметасини қайта кўриб чиқилиши бўйича Молия вазирлигига таклифлар киритилиши белгилаб қўйилди.
Бундан ташқари, қурилиш фаолияти билан шуғулланувчи 308 та корхонанинг 69,5 миллиард сўм солиқ қарзини ундиришда Вазирлар Маҳкамасига таклиф киритилиши белгиланди.
20 дан ортиқ корхона ва ташкилот раҳбарларининг мавжуд муаммолари муҳокама жараёнида ўз ечимини топди.
Вазирлик ва идораларнинг солиқ қарзини қисқартиришда учраётган муаммолар тизимдаги корхоналар кесимида муҳокама этилиб, тўловларни амалга оширилишида аниқ муддатлар белгилаб олинди.
Изоҳ (0)