Қозоғистон парламентининг юқори палатаси амалдаги президент Нурсултон Назарбоевга Хавфсизлик кенгашини умрбод бошқариш ҳуқуқини берувчи қонунни маъқуллади, деб ёзади «Коммерсантъ».
Шунингдек, Қозоғистон Сенати томонидан маъқулланган Хавфсизлик кенгаши тўғрисидаги қонун ушбу ташкилотга ички сиёсий барқарорликни сақлаш, конституциявий тузумни, давлат мустақиллигини, ҳудудий дахлсизлигини ва халқаро майдонда мамлакат миллий манфаатларини ҳимоя қилиш соҳасида ягона давлат сиёсати олиб борилишини мувофиқлаштирувчи конституциявий орган мақомини беради.
Сенат томонидан маъқулланганидан кейин ҳужжат парламент томонидан қабул қилинган ҳисобланади. Энди у имзолаш учун Назарбоевнинг ўзига юборилди.
Изоҳ (0)