Сурия президенти Башар Асад Америка пезиденти Дональд Трамп каби одамларнинг фикри унга қизиқ эмаслигини маълум қилди. Бу ҳақда у RT телеканалига берган интервьюсида сўзлаган, деб хабар берди «РБК». Апрель ойида АҚШ президенти суриялик ҳамкасбини ҳайвон деб атаганди.
«Мен бу каби тилда сўзлашмайман ва бундай жумлаларни ишлатмайман. Ушбу тилда Трамп гапиради ва бу у ҳақида тасаввурларни пайдо қилади. Барчага таниш принцип мавжуд: сен нимани сўзласанг — ўшасан. У шунчаки ўзининг кимлигини кўрсатиб қўймоқчи бўлди. Бу эса ҳеч нимани ўзгартирмади. Трампнинг оғзидан чиққан бу каби сўзлар ҳеч нимага таъсир кўрсата олмайди», — дейди Башар Асад.
Эслатиб ўтамиз, АҚШ президенти Дональд Трамп Шарқий Гутада кимёвий ҳужум амалга оширилганидан сўнг, Сурия етакчисини «кимёвий қуроллар ёрдамида одамларни ўлдирадиган ҳайвон», деб атаган эди. 14 апрель куни АҚШ, Буюк Британия ва Франция мамлакатда кимёвий қуролдан фойдаланилгани сабаб ракета зарбаларини амалга оширганди.
Изоҳ (0)