АҚШ аҳолисининг 70 фоизи президент Дональд Трамп Twitter’ни суистеъмол қилмоқда, деб ҳисоблайди. Бу ҳақда, Politico нашри ва Morning Consult компанияси томонидан ўтказилган сўровга таяниб, «РИА Новости» хабар берди.
Сўров натижаларига кўра, иштирокчиларнинг 72 фоизи Трамп Twitter’дан жуда кўп фойдаланади, деб ҳисоблайди. Таъкидланишича, бу кўрсаткич ўтган йилдагига қараганда уч фоизга кўпроқни ташкил қилган.
Бундан ташқари, 62 фоиз иштирокчи Трампнинг Twitter’дан фойдаланишини салбий деб ҳисоблайди. Қайд этилишича, республикачилар тарафдорларнинг 58 фоизи Трамп ижтимоий тармоқни суиистеъмол қилади, деб ҳисоблайди. Фақат уларнинг 38 фоизи бу унинг ҳаракатлар дастурига зарар етказади, деб ўйлайди.
Сўров 23—29 май кунлари ўтказилган ва унда 1995 киши иштирок этган.
Изоҳ (0)