Mercedes-Benz ҳам яшаш, ҳам овқат тайёрлаш мумкин бўлган X-Class пикапларини тақдим этди

Mercedes-Benz компанияси X-Class пикапининг базасида яратилган иккита консептуал машинани тақдим этади. Ушбу автомобилларни жиҳозлашда иккита фирма иштирок этган: ечиб олинадиган яшаш кабиналарини ишлаб чиқарган — Тischer ҳамда машиналар учун ошхона чиқарувчи — VanEssа фирмалари, деб хабар берди «Мотор».

Биринчи концепт-кар эни 150 сантиметр, баландлиги эса 2 метр келадиган модель билан жиҳозланади. Унинг ичида ётоқ мебели, ошхона, учта ўриндиқ, йиғма раковина, унитаз ва ювиниш хонаси жойлашган.

Иккинчи автомобиль эса тўлиқ функцияли ошхона, музлатгич, идиш-товоқ ва маҳсулотларни сақлашга мўлжалланган қутилар жойлашувчи сурма модул билан жиҳозланади. Унинг ҳимояси учун пикап кузовига иссиқ мамлакатларда ўсадиган кемабоп қаттиқ дарахтдан қопқоқ ўрнатилган.

Mercedes-Benz X-Class ўтган йили ЖАРда тақдим этилган эди. Ушбу модель Nissan Navara платформасида яратилган. Унга 163 ҳамда 190 кучга эга 2,3 литрли иккита турбодизел двигателлери жойлаштирилган. Кейинчалик уч литрли V6 дизель двигателлари ҳам ўрнатилган нусхаларини чиқариш режалаштирилган. У 258 от кучига эга бўлади.