Mercedes-Benz kompaniyasi X-Class pikapining bazasida yaratilgan ikkita konseptual mashinani taqdim etadi. Ushbu avtomobillarni jihozlashda ikkita firma ishtirok etgan: yechib olinadigan yashash kabinalarini ishlab chiqargan — Tischer hamda mashinalar uchun oshxona chiqaruvchi — VanEssa firmalari, deb xabar berdi “Motor”.
Birinchi konsept-kar eni 150 santimetr, balandligi esa 2 metr keladigan model bilan jihozlanadi. Uning ichida yotoq mebeli, oshxona, uchta o‘rindiq, yig‘ma rakovina, unitaz va yuvinish xonasi joylashgan.
Ikkinchi avtomobil esa to‘liq funksiyali oshxona, muzlatgich, idish-tovoq va mahsulotlarni saqlashga mo‘ljallangan qutilar joylashuvchi surma modul bilan jihozlanadi. Uning himoyasi uchun pikap kuzoviga issiq mamlakatlarda o‘sadigan kemabop qattiq daraxtdan qopqoq o‘rnatilgan.
Mercedes-Benz X-Class o‘tgan yili JARda taqdim etilgan edi. Ushbu model Nissan Navara platformasida yaratilgan. Unga 163 hamda 190 kuchga ega 2,3 litrli ikkita turbodizel dvigatelleri joylashtirilgan. Keyinchalik uch litrli V6 dizel dvigatellari ham o‘rnatilgan nusxalarini chiqarish rejalashtirilgan. U 258 ot kuchiga ega bo‘ladi.
Izoh (0)