«Мотор» нашри ҳам қуруқликда, ҳам сувда ҳаракатлана оладиган автомобиль-қайиқлар ҳақида маълумот тўплаб тақдим этди.
Run A Ground
Энди Сондерc исми фуқаро уч ғилдиракли Reliant Robin автомобили шассисининг устига Моnbar 146 қайиғини ўрнатиб ушбу ажойиб машинани яратган. 10 йил давомида Энди унинг ёрдамида мунтазам сайрларга чиқиб турган.
Sea Ray Bowrider
Кунларнинг бирида Маркнинг рафиқаси Рэя Робин турмуш ўртоғининг бекор юрганини кўриб, у билан бир йил ичида қайиқ кўринишидаги автомобилни қуриш бўйича гаров боғлашади. Маркка ушбу фикр қизиқарли туюлган ва GMC Jimmy шассиси ҳамда оилавий бюджетининг 10 минг долларини йўлда юрадиган қайиққа — Sea Ray Bowrider’га айлантирган.
DUKW
Иккинчи жаҳон уруши ва Корея урушларидан сўнг АҚШ ихтиёрида General Motors иштирокида яратилган кўплаб эскирган DUKW амфибиялари қолиб кетган. Машиналарнинг бир қисми Америка бўйлаб экскурсияларни уюштирувчи Ride the Ducks компанияси томонидан сотиб олинган ва қайиқ машиналарга айлантирилган.
LARC-V
АҚШ армияси 1965 йили LARC-V’нинг биринчи нусхаларидан фойдаланишни бошлаган, кўплаб нусхалари эса ҳамон хизматни ўтамоқда. LARC-V’дан ҳам худди DUKW каби экскурсия автобуслари сифатида фойдаланилган. Бир вақтнинг ўзида унинг бортида 20 нафар йўловчи жойлашган.
The Drake
Сент Майклс-Маунт оролида «яшовчи» The Drake катта иштиёқ билан яратилган. Қизиқарли жиҳати ўша вақтда General Motors’нинг ҳам синов амфибияси худди шу номда бўлган.
Peugeot Motor Boat Car
Ушбу шоу-кар 1925 йилда яхта ва моторли қайиқларни яратиш билан шуғулланувчи Peugeot Nautic бўлинмасини реклама қилиш учун қурилган. У фақатгина оддий йўлларда ҳаракатлана олган.
Тритон
1981 йилда Дмитрий Кудртачков томонидан қурилган Тритонга «ГАЗ021»нинг мотори ўрнатилган бўлиб, у қуруқликда соатига 120 километр тезликда, сувда эса 60 км/соат тезликда ҳаракатлана олган.
Изоҳ (0)