Муддатли ҳарбий хизматни ўтаган аскарлар Ёшлар иттифоқи тавсияси билан олий таълим муассасасига имтиҳонсиз, грант асосида ўқишга кириши мумкин бўлди. Бу ҳақда Ёшлар иттифоқи раиси Қаҳрамон Қуронбоевнинг Facebook’даги саҳифасида маълум қилди.
2017 йил 17 ноябрда «Ўзбекистон Республикаси Қуролли кучларида ёшларга оид давлат сиёсати самарадорлигини ошириш бўйича қўшимча чора-тадбирлар тўғрисида»ги Президент қарори имзоланди.
Қарорга асосан, ҳар бир ҳарбий қисмда ёшлар ҳимоячиси — бошланғич ташкилот етакчиси сайланади ҳамда ҳарбийлар Ёшлар иттифоқи тавсияси билан уй-жой билан таъминланади.
Шунингдек, муддатли ҳарбий хизматни ўтаётган аскарлар Ёшлар иттифоқи тавсияси билан олий таълим муассасасига имтиҳонсиз, грант асосида ўқишга киради.
Иттифоқ тавсияси билан Темурбеклар мактаби битирувчилари Қуролли кучлар тизимидаги олий таълим муассасасига грант асосида ўқишга қабул қилинади.
Изоҳ (0)