«Толибон» ҳаракати етакчиси мулла Ҳайбатуллоҳ Охунзоданинг ўғли 20 июль, пайшанба куни Афғонистоннинг Ҳилманд вилоятида теракт содир этиш чоғида ҳалок бўлди. Бу ҳақда ҳаракат вакилига таяниб, Reuters маълум қилди.
23 ёшли Абдураҳмон Холид портловчи модда тўлдирилган транспорт воситасини бошқарган. Машина Гиришк шаҳрида жойлашган афғон ҳарбий базаси томонга йўл олганди. Қурбонлар ҳақида маълумот берилмади.
Толиблар етакчисининг ўғли мадрасада таҳсил олгани ва худкуш бўлишни аввалдан режалаштириб келгани билдирилмоқда.
Ҳайбатуллоҳ Охунзода 2016 йилнинг 21 майида Ахтар Мансур йўқ қилинганидан бери «Толибон»га етакчилик қилиб келмоқда.
Изоҳ (0)