АҚШ Давлат котиби Рекс Тиллерсон араб давлатларини Қатар қамалини бекор қилишга чақирди. Бу ҳақда «РИА Новости» хабар бермоқда.
«Тўрт давлат қуруқликдаги қамални бекор қилиш имкониятини кўриб чиқади, деган умиддаман. Бу эзгу ният ифодаси бўлар эди, чунки қамал биринчи галда Қатар халқига зарар етказади», — деди Тиллерсон Уммон ташқи ишлар вазири билан учрашуви чоғида.
Давлат котибига кўра, Қатар террорчиликка қарши чораларни «жон-жаҳди» билан амалга оширмоқда ва АҚШ расмийларига бу ҳаракатлар маъқул.
Изоҳ (0)