“Tolibon” harakati yetakchisi mulla Haybatulloh Oxunzodaning o‘g‘li 20-iyul, payshanba kuni Afg‘onistonning Hilmand viloyatida terakt sodir etish chog‘ida halok bo‘ldi. Bu haqda harakat vakiliga tayanib, Reuters ma’lum qildi.
23 yoshli Abdurahmon Xolid portlovchi modda to‘ldirilgan transport vositasini boshqargan. Mashina Girishk shahrida joylashgan afg‘on harbiy bazasi tomonga yo‘l olgandi. Qurbonlar haqida ma’lumot berilmadi.
Toliblar yetakchisining o‘g‘li madrasada tahsil olgani va xudkush bo‘lishni avvaldan rejalashtirib kelgani bildirilmoqda.
Haybatulloh Oxunzoda 2016-yilning 21-mayida Axtar Mansur yo‘q qilinganidan beri “Tolibon”ga yetakchilik qilib kelmoqda.
Izoh (0)