Сўнгги маълумотларга кўра, 21 июль, жума куни АҚШ томонидан Афғонистоннинг Ҳилманд вилоятига берилган авиазарба оқибатида Афғонистон полициясининг 16 нафар ходими ҳалок бўлган. Бу ҳақда ғарб ОАВларига таяниб, «Интерфакс» хабар берди.
«16 нафар полициячи, жумладан, 2 нафар қўмондон ҳалок бўлди. Жароҳат олганлар бор», — дея маълум қилди Ҳилманд полицияси вакили Салям Афғон.
Унинг маълумотларига кўра, авиазарбанинг нишони аҳоли пунктларидан биридаги «Толибон»нинг позицияси бўлган. Афғон хавфсизлик кучлари исёнчиларни ўз позициясидан чиқариб юборишга эришди. Бироқ америкалик ҳарбийларни бу ҳақда хабардор қилишга улгуришмаган кўринади, шунинг учун ҳаво зарбаси полициячиларга тўғри келиб қолган.
Изоҳ (0)