Тошкент педиатрия тиббиёт институти ўқитувчи ва талабаларидан иборат Ўзбекистон делегацияси Германияда бўлди. «Жаҳон» агентлиги хабарига кўра, мазкур ўқув-танишув сафари Германия академик алмашувлар хизматининг (DAAD) грант лойиҳаси доирасида ташкил этилди.
Ўзбекистон делегацияси Берлин ва Дюссельдорф университетлари тиббиёт факультетлари ва Билефелд шаҳар клиникасида бўлиб, мутахассислар тайёрлаш ва қайта тайёрлаш тизими ҳамда замонавий тиббий ускуналардан фойдаланилган ҳолда касалликларни ташҳислаш ва даволаш усуллари билан танишди.
Томонлар мутахассислар тайёрлаш ва уларнинг малакасини ошириш бўйича мунтазам алмашувларни йўлга қўйиш воситасида ўзаро ҳамкорликни ривожлантириш ҳамда уларни янада чуқурлаштириш юзасидан манфаатдорлик билдирди.
Берлиндаги энг йирик «Шарите» университети клиникасининг фаолияти билан танишув доирасида мазкур университет тиббиёт мажмуасининг талабалари, ўқитувчи ва илмий тадқиқотчилари ҳамда Ўзбекистон элчихонаси вакиллари иштирокида давра суҳбати бўлиб ўтди.
Изоҳ (0)