Андижон шаҳрининг «Яхши» маҳалла фуқаролар йиғини ҳудудида хизмат ўтаётган патруль-пост ходимлари 30 июнь куни соат тахминан 13:00 атрофида маҳалладан оқиб ўтувчи Андижонсой каналида беҳуш ҳолда оқиб келаётган фуқарони кўриб қолиб, уни сувдан олиб чиқди.
Андижон вилояти ИИБдан «Дарё»га маълум қилишларича, патруль-пост ходимлари сувдан олиб чиқилган фуқарони зудлик билан Андижон давлат тиббиёт институтининг клиник шифохонасига олиб борган ва жабрланувчи тиббий ёрдам кўрсатилган.
«Патруль-пост ходимлари томонидан сувдан олиб чиқилган фуқаронинг аҳволи ҳозирда яхши», — дейилади вилоят ИИБ ахборотида.
Олиб борилган суриштирув ишлари натижасида каналдан олиб чиқилган фуқаро асли Андижон шаҳар Сафоий маҳалла фуқаролар йиғинида яшовчи V.Асқаров эканлиги ва сувга бехосдан тушиб кетгани маълум бўлган.