1984 йил 30 июлда телевиденияда янги лойиҳа бошланиб, у телесаноатига ва сериалларга бўлган қарашларни тубдан ўзгартирди. Ушбу мақолада “Санта-Барбара” сериали актёрларининг суратга олиш ишлари тугагач, уларнинг тақдири қандай кечгани ҳақида сўз боради.
Актриса Робин Райт 18 ёшида “Санта-Барбара” сериалида суратга тушишни бошлаган. Ушбу рол унинг кейинги ёрқин фаолиятини белгилаб берди: сериалдаги барча актёрлар орасида Робин энг кенг оммага танилган бўлиб, “Форрест Гамп” ва “Карталар уйи” каби роллари орқали жаҳон миқёсидаги юлдузга айланган.
Актриса “Санта-Барбара” сериалининг суратга олиш жараёнида ҳамкасби Дейн Визерспунга турмушга чиқади, аммо турмуши атиги икки йил давом этади. Шунингдек, у Шан Пенн ва Бен Фостер билан муносабатда бўлган, 2018 йилда эса Саинт Лаурент бренди менежери Клемент Жирога турмушга чиққан. Аммо 2022 йилда оммавий ахборот воситалари унинг ажрашаётгани ҳақида хабар берган. Бироқ, унинг фаолияти барқарор: у суратга тушишни давом эттиради ва янги лойиҳаларда фаол иштирок этиб, Голливуднинг энг талабгир актрисаларидан бири сифатида қолмоқда.
Актриса Марси Уокер кўп қисмли сериалдаги энг эсда қоларли роллардан бирини ижро этган ва 1200 дан ортиқ эпизодда иштирок этган. Бу иши учун у “Эмми” мукофотига ҳам сазовор бўлган. Ушбу рол нафақат унинг энг муҳим, балки бутун ҳаётидаги ягона актёрлик роли бўлиб қолган. “Санта-Барбара”даги иш якунлангач, Марси актёрлик оламидан бутунлай воз кечиб, ҳаётини черковга бағишлашга қарор қилган.
Ўн икки йил олдин берган интервьюсида у якшанба мактабида ишлаганини, кейин эса Оклахомада руҳоний бўлганини айтган. 2024 йилда Марси узоқ танаффусдан сўнг илк бор омма олдида пайдо бўлиб, сериалда иштирок этиш унинг ҳаётидаги энг катта қувончлардан бири бўлганини таъкидлаган. Ташқи кўринишидаги ўзгаришларга қарамай, унинг самимий табассуми ўз ҳолича қолган.
Круз Кастилё — “Санта-Барбара” сериалининг энг ёрқин ва эсда қоларли қаҳрамонларидан бири эди. Круз ва Иден ўртасидаги муносабатлар сериалнинг марказий севги чизиғини ташкил қилган. Аввал салбий ролларда кўпроқ танилган Эй Мартинес ушбу образ орқали актёрлик маҳоратини бутунлай бошқа йўналишда намоён этиш имконига эга бўлди. Бу роли унга “Эмми” мукофоти номинациясини олиб келди.
1992 йилда “Санта-Барбара”даги суратга олиш ишлари якунлангач, Мартинес катта экран учун ҳам бир неча бор синов қилиб кўрди, бироқ сезиларли муваффақиятларга эриша олмади. Бироқ у бир қатор машҳур телешоуларда қатнашишга улгурган — “Жиноятчидек ўйла”, “Бош шифохона” ва бошқалар. Актёр бир неча марта турмуш қурган, унинг уч нафар фарзанди бор.
Мэйсон Кепвелл ўзининг харизматик образи билан сериал томошабинларининг, айниқса, аёллар аудиториясининг энг севимли қаҳрамонларидан бирига айланган эди. Лейн Дэвис беш йил давомида “Санта-Барбара”да суратга тушди, бироқ тиғиз иш жадвали ва театр ҳамда оилага кўпроқ вақт ажратиш истаги сабаб лойиҳа билан хайрлашди.
Сериалдан сўнг у фаол ижодини давом эттириб, “Клиника”, “Сайнфелд”, “Қуёшдан учинчи сайёра” ва “Ғайритабиий ҳодисалар” каби машҳур телесериалларда иштирок этди. Бугунги кунда Лейн театрда фаол ишламоқда ва ҳатто у Шекспир фестивали ташкилотчиларидан бири ҳисобланади. У тез-тез “Санта-Барбара”даги суратга олиш жараёнларини эслаб туради, бироқ уни Мэйсон деб аташларини унчалик ёқтирмайди.
Изоҳ (0)