Тошкент шаҳрининг Чилонзор тумани Муқимий кўчасидаги кўп қаватли 164-уйда 1 июль куни тонгда ёнғин юз берди. Бу ҳақда Ўзбекистон Ички ишлар вазирлиги матбуот хизмати хабар бермоқда.
Ҳодиса жойига ёнғин ўчириш бўлинмалари етиб борган. Ёнғин оқибатида тўрт қаватли турар жой биноси томининг 300 квадрат метр майдонини зарарлаган.
Ўт ўчириш хизматига ёнғин ҳақидаги хабар 8:49 да келиб тушган, орадан роппа-роса бир соат ўтиб ёнғин бутунлай бартараф этилган.
«Ҳодиса оқибатида ҳалок бўлган ва тан жароҳати олганлар йўқ. Ёнғин сабаблари ўрганилмоқда», — дейилади ИИВ ахборотида.
Қўшимча қилишларича, «ҳодиса жойини кўздан кечириш вақтида ушбу уйнинг бўғотида электр симларини ноқонуний равишда ўтказилганлиги аниқланди».
Изоҳ (0)