Термиз ҳайвонот боғида янгилик — Амур йўлбарслари учтага кўпайди. Бу ҳақда ЎзМТРКнинг «Ёшлар» телеканали хабар берди.
16 май куни дунёга келган йўлбарсчаларга ҳали лақаб қўйилмаган, улардан фақат бирига «Ёшлар» телеканали ходимлари Ясмин деб ном берган.
Митти йўлбарсчаларга Термиз ҳайвонот боғи ходими Дилбар Йўлдошева ғамхўрлик қилади. «Болакайлар»нинг онаси — Тер ҳам айнан Дилбар Йўлдошеванинг «қўлида вояга етган».
Хабар беришларича, Тернинг эгизаги — Миз лақабли йўлбарс ҳозирги вақтда вақтинча бошқа ҳайвонот боғида сақланмоқда.
Қайд этишларича, 2017 йилда Термиз ҳайвонот боғида йўлбарслардан ташқари шер, айиқ, кийиклар ҳам болалаган. Ҳозирда Термиз ҳайвонот боғида катта таъмирлаш ишлари олиб борилмоқда.
Изоҳ (0)