Ироқнинг Мосул шаҳрида 19 июнда юз берган портлаш оқибатида жароҳатланган тележурналист Вероника Робер Францияда вафот этди. Бу ҳақда Meduza хабар берди.
Робер Францияга 23 июнь, жума куни кечқурун олиб борилган. Унгача журналист Бағдодда операция қилинган.
Робер 19 июнда юз берган портлаш оқибатида қурбон бўлган учунчи журналист бўлди. Унинг ҳамкасби Стефан Вильнев ва курд журналисти Бахтиёр Аддад воқеа жойида ҳалок бўлган. Яна бир журналист Самуэль Форэ енгил жароҳат олган.
Журналистлар France 2 телеканалида эфирга узатиладиган Envoye Special (Махсус мухбир) дастури устида ишлаётган эди. Мосулда улар ИШИД жангариларига қарши курашаётган Ироқнинг махсус кучлари ишини ёритаётган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)