Қирғиз ҳарбийларини Сурияга юбориш масаласи Москвадаги учрашувларда муҳокама этилмади. Бу ҳақда Қирғизистон президенти Алмазбек Атамбаев маълум қилди, дея хабар беради «Газета.ru».
«Бу масала умуман кўтарилмади. Ҳатто тор доирадаги учрашувларда ҳам. Шунинг учун ўзим ҳам ҳайрон қолдим», — деди Алмазбек Атамбаев.
Қирғизистон президентига кўра, Сурияга ҳарбийларни жўнатиш учун Коллектив хавфсизлик шартномаси ташкилотига (ОДКБ) аъзо барча давлатлар қарори, БМТ резолюцияси зарур, шундан кейингина мамлакат парламенти ҳал этувчи қарорни чиқаради.
Эслатиб ўтамиз, Қозоғистон ташқи ишлар вазири Кайрат Абдураҳмонов ҳам Остона ўз ҳарбий хизматчиларини Сурияга жўнатиш бўйича музокаралар олиб бормаётганини маълум қилганди.
Аввалроқ Россия Давлат Думаси мудофаа бўйича қўмитаси раҳбари Владимир Шаманов Россия Қирғизистон ва Қозоғистон билан Сурияга ҳарбий қисмлар йўллаш борасида музокаралар олиб бораётганини айтган эди.
Изоҳ (0)