АҚШ президенти Дональд Трамп араб давлатларини яраштириш мақсадида саммит чақиришни режалаштирмоқда. Бу ҳақда Fox News манбаларига таяниб, «Газета.ru» хабар берди.
Саммитдан кўзланган мақсад қатор давлатларни Қатар билан муносабатларни узишдан қайтаришга мажбурлаш эканлиги таъкидланмоқда.
«40 йил давомида бунақаси бўлмаган. Президент вазиятни изга солишни истамоқда», — деди телеканалнинг Оқ уйдаги манбалари.
Саудия Арабистони, БАА, Миср ва Баҳрайн Кувайт вакиллари орқали Қатарга 13 та талабдан иборат, жумладан, Эрон билан алоқаларни чеклашга боғлиқ рўйхатни юборди. Қатар, шунингдек, мамлакат ҳудудидаги Туркия ҳарбий базасини ёпиши ва Al Jazeera телеканали фаолиятини тўхтатиши керак. Бундан ташқари, араб мамлакатлари Доҳадан товон пули тўлашни талаб қилмоқда.
Қатар араб давлатларининг санкцияларни бекор қилиш учун қўйган талабларини номақубул ва амалга ошириб бўлмас деб атади.
Изоҳ (0)