Саудия Арабистони ўз ҳудудига Туркиянинг бирор-бир ҳарбий базасини жойлаштириш ниятида эмас. SPA давлат агентлигининг Саудия ҳукуматидаги расмий манбага асосланиб хабар беришича, «бунга зарурат йўқ».
Туркия президенти Ражаб Тоййиб Эрдўғон 15 июнь, пайшанба куни Португалия телевидениесига берган интервьюсида Саудия Арабистони подшоҳи Салмон билан мамлакат ҳудудига турк ҳарбий базасини жойлаштириш масаласини муҳокама қилгани, подшоҳ мазкур таклифни кўриб чиқишга розилик билдирганини айтиб ўтган эди.
«Ваколатли манбанинг тасдиқлашича, Саудия Арабистони подшоҳлиги Туркияга мамлакат ҳудудида ўз ҳарбий базаларини ташкил этишга имкон бера олмайди... Подшоҳликда бунга зарурат йўқ», — дейилади ахборотда.
Манбанинг қайд этишича, мамлакат «қуролли кучлари ва унинг имкониятлари ҳозирда яхши ҳолатда» ва Саудия ҳарбийлари хорижда ҳам, хусусан, Туркия ҳудудида жойлашган Инжирлик базасида ҳам хизмат ўтамоқда.
Изоҳ (0)