Ҳиндистоннинг Жамму ва Кашмир штатида жангарилар ҳужуми оқибатида олти нафар полициячи ҳалок бўлди. Бу ҳақда «РИА Новости» хабар бермоқда.
Ҳодиса 16 июнь, жума куни Анантнаг округида юз берган. Жангарилар пистирмадан туриб, полициячиларга ҳужум қилган, ўртада отишма келиб чиққан.
India TV телеканали маълумотларига кўра, жума куни юз берган яна бир бошқа тўқнашув оқибатида икки нафар тинч аҳоли вакили ҳалок бўлган, 10 киши жабрланган.
Бундан ташқари, уч нафар жангари ҳам йўқ қилинган — уларнинг жасади 17 июнь, шанба куни топилган.
Полициячиларга қарши уюштирилган ҳужум учун жавобгарликни «Лашкари Тойиба» террорчилик гуруҳи ўз зиммасига олган.
2008 йили Мумбайда юз берган теракт учун жавобгар деб кўриладиган «Лашкари Тойиба» гуруҳи Жанубий Осиёдаги энг йирик ва энг хавфли террорчилик ташкилотларидан бири ҳисобланади.
Изоҳ (0)