Ливия соҳил қўриқлаш хизмати Ўртаер денгизида 900 дан зиёд африкалик ва осиёлик муҳожирларни қутқариб қолди. Бу ҳақда «РИА Новости» хабар бермоқда.
Ливия ҳарбий-денгиз кучлари вакилининг маълум қилишича, Аз-Завия шаҳри соҳил қўриқлаш хизмати бортида жами 906 киши бўлган бешта пуфланадиган қайиқ ва ёғоч кемани тўхтатиб қолган.
Унинг қўшимча қилишича, қутқариб қолинганларнинг 25 нафари болалар, 98 нафари аёллар бўлган. Пуфланадиган қайиқлардан бири тешилган, ёғоч кемада эса моторсиз бўлган.
2017 йил бошидан бери 77 минг нафар муҳожир ва қочоқ Ўртаер денгизи орқали Европага кириб келди, денгизни кечиб ўтиш вақтида 1820 киши ҳалок бўлди.
Изоҳ (0)