Вануату президенти Балдвин Лонсдейл юрак хуружи сабаб оламдан ўтди. Бу ҳақда Radio New Zealand’га таяниб, «Газета.ru» хабар берди.
Хабарда таъкидланишича, Лонсдейл зудлик билан шифохонага етқазилган, бироқ уни сақлаб қолишнинг имкони бўлмаган.
Балдвин Лонсдейл Вануатуга 2014 йилдан бери президентлик қилиб келар эди. Бунга қадар у англикан руҳонийси бўлган.
Мамлакат конституциясига кўра, янги президент парламент аъзолари ҳамда ҳудудий кенгашлар раҳбарлари томонидан уч ҳафта ичида танланиши керак.
Маълумот учун, Вануату — Тинч океанининг жануби-ғарбий қисмида жойлашган Янги Гебрид оролларидаги давлат бўлиб, 300 мингдан камроқ аҳолига эга.
Изоҳ (0)