Дональд Трамп Шимолий Корея ҳаракатларига нисбатан АҚШнинг ҳарбий жавобини истисно этмади. Бу ҳақда у CBS телеканалига берган интервьюсида маълум қилди, деб хабар беради «РБК».
КХДР етакчисига нисбатан босим нега натижа бермаётганлиги ҳақидаги саволга Трамп «Ким Чен Ин мен ва Хитой раҳбари Си Цзиньпин ядро синовидан мамнун бўлмаслигимизни яхши тушунади» деб жавоб берди.
«Шимолий Кореяга АҚШ ва Хитой ўтказаётган босим туфайли балки ҳозиргача ҳеч нарса рўй бермагандир», — таъкидлади Трамп.
АҚШ президенти КХДР баллистик ракеталари синови борасида ҳам ўз фикрини билдириб ўтди.
«Бу кичик ракетанинг учирилиши бўлди. Бу ядро синови эмас эди. Биз нималар юз бераётганини кузатиб борамиз», — деди АҚШ президенти.
«Мамнун бўлмаслик ҳарбий ҳаракатларни англатадами?» деган саволга Трамп «Билмадим, кўрамиз», дея жавоб берди.
Изоҳ (0)