Қўшма Штатлар президенти Дональд Трамп ва унинг яқинлари ўзларини қироллик оиласи аъзолари каби тутмоқда. Бу ҳақда Германия ташқи ишлар вазири Зигмар Габриэль маълум қилди, деб хабар беради «MK.ru».
«Кишини таажжубга соладиган ҳолатлар бор. Масалан, Иванка Трампнинг Германияга ташрифи худди дунё аҳамиятига молик ҳодиса каби ёритилди», — деди Зигмар Габриэль.
Вазирга кўра, Иванка Трампнинг Оқ Уйда лавозимга тайинланиши қариндош-уруғчиликдан бошқа нарса эмас.
«Ҳеч қачон сайланмаган оила аъзолари тўсатдан давлатнинг расмий вакиллари сифатида пайдо бўлиши ва уларга деярли қироллик оиласи аъзоларидек муносабатда бўлиниши менда доим хавотир уйғотади», — таъкидлади Германия ташқи ишлар вазири.
Изоҳ (0)