Қозоғистонда кўп қаватли уй қулаб тушиши оқибатида 9 киши ҳалок бўлди

Қозоғистоннинг Қарағанда вилояти, Шахан посёлкасида кўп қаватли уйнинг бир қисми қулаб тушиши оқибатида 9 киши ҳалок бўлди, 2 киши касалхонага ётқизилди. Бу ҳақда «ТАСС» хабар бермоқда.

Ҳодиса ҳақида вилоят фавқулодда вазиятлар департаментига 1 январь, якшанба куни кечки пайт хабар берилган. Воқеа жойига департамент кучлари ва воситалари юборилди. Уйда истиқомат қилаётганлар эвакуация қилинди.

Мамлакат ИИВ фавқулодда вазиятлар қўмитаси расмий вакили Руслан Иманқуловга кўра, жабрланганларни қидиришга айни пайтда 280 киши, жумладан, қутқарувчилар, полиция ва тез тиббий ёрдам ходимлари жалб этилган. Шунингдек, оғир ҳарбий техника сафарбар этилган.

Ҳодиса сабабларига аниқлик киритилмоқда.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.