Фаластин президенти Маҳмуд Аббос АҚШнинг сайланган президенти Донад Трамп билан Исроил–Фаластин можаросини тартибга солишда ҳамкорликка тайёрлигини маълум қилди, деб хабар беради «ТАСС».
«Биз икки давлат мавжудлигини тан олишга асосланган тинчликка эришиш учун АҚШнинг сайланган президенти маъмурияти билан ишлашга тайёр эканлигимизни билдирамиз», — таъкидлади Фаластин етакчиси.
Маҳмуд Аббос амалдаги АҚШ расмийларига БМТнинг Фаластин ерларида Исроил манзилгоҳлари қурилишини қораловчи резолюциясига тақиқ қўймагани учун миннатдорлик билдирди.