Норвегиялик шахматчи Магнус Карлсен россиялик Сергей Карякинга қарши жаҳон чемпионлиги учун кечган баҳсда ғалаба қозониб, чемпион унвонини сақлаб қолди, деб хабар бермоқда «Sports.ru».
Жаҳон чемпионлиги учун 12 партиядан иборат классик шахмат бўйича баҳсларда 6:6 ҳисоби қайд этилганди. Шундан сўнг шахматчилар 4 партиядан иборат тай-брейк ўйнади.
Қоидага кўра, тай-брейк рапид, яъни, тезкор услубда ўйналади. Ушбу йўналишда кучли саналган Магнус Карлсен 3:1 ҳисобида Карякинни мағлубиятга учратди ва чемпионлик унвонини сақлаб қолди.
Қайд этиш жоиз, норвегиялик шахматчи 30 ноябрь, чемпионлик унвонини сақлаб қолган куни 26 ёшга тўлди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)