Чилилик теннисчи Даниэла Сегелнинг отаси қизи Сантьягода бўлиб ўтаётган Халқаро теннис федерацияси (ITF) турнири финалида иштирок этаётганида оламдан ўтди. Бу ҳақда «ТАСС» хабар бермоқда.
Бразилиялик Паула Гонсалвес қарши беллашув давомида, ҳисоб Сегель фойдасига 6:4 ва 2:1 бўлиб турган пайтда томошабинлар орасида ўйинни кузатаётган отасининг мазаси қочди. У яқин орадаги касалхонага етказилди, бироқ уни қутқариб қолишнинг имкони бўлмади.
Ҳакам ўйинни давом эттиришга чақирди, бироқ иккинчи сетда, ҳисоб 4:4 бўлиб турганда чилилик спортчи кортни тарк этди. Натижада ғалаба унинг рақибасига насиб қилди.
Изоҳ (0)