Футбол бўйича Ўзбекистон миллий терма жамоаси Жанубий Кореяга қарши ЖЧ—2018 саралаш учрашувида ҳисобни очди. «Дарё» мазкур ўйиндан матнли онлайн олиб бормоқда.
Учрашувнинг 25-дақиқасида Ўзбекистон миллий терма жамоасининг кам сонли ҳужумларидан бири гол билан тугади.
Яккама-якка вазиятга чиқиб бораётган ўзбекистонлик ҳужумчи Игорь Сергеевни зарарсизлантириш мақсадида Жанубий Корея дарвозабони дарвозасини ташлаб чиққанидан сўнг, тўп Марат Бикмаевга бориб тушди ва узоқ масофадан рақибнинг бўш қолган дарвозасини чиройли тарзда аниқ нишонга олди.
Қайд этиш жоиз, Тошкентнинг «Локомотив» клубида аъзоси ҳисобланган Марат Бикмаев миллий термада саралаш доирасидаги кетма-кет иккинчи ўйинида гол урди. Бундан аввал у Хитойга қарши ўйинда ҳам гол урган эди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)