Тайванлик савдогар 300 тонна сабзи сақлагани учун ҳибсга олинди

Тайвань расмийлари нархлар назорати билан боғлиқ қаллобликка қўл урганликда гумонланаётган савдогарни ҳибсга олди. У 300 тонна сабзи сақлаётгани маълум бўлганидан сўнг айблов илгари сурилди. Бу ҳақда, The China Post нашрига асосланиб, «Интерфакс» хабар бермоқда.

Айтилишича, Гаосюн шаҳрида мева-сабзавот маҳсулотлари нархларининг юқорилиги юзасидан текширув ўтказилди. Текширув доирасида полициячилар хусусий омборхоналардан бирига рейд уюштириб, у ерда тонналаб сабзи сақланаётганини аниқлади.

Сабзи эгаси ҳибсга олинди ва кейинроқ 3 минг доллар гаров пули эвазига қўйиб юборилди.