Мексика шимолида жойлашган Чиуауа штатининг шу номли маъмурий маркази меҳмонхоналаридан бирида жиноятчилар гуруҳи оммавий қотилликка қўл урди. Камида 7 киши жиноятчилар қурбони бўлди, жароҳатланганлар сонига аниқлик киритилмоқда. Бу ҳақда штат бош прокуратураси маълум қилди, дея хабар беради «ТАСС».
Прокуратурага кўра, ҳужумда автоматлар билан қуролланган 4 киши иштирок этган. Уларни ўша чоғнинг ўзида қўлга олишнинг имкони бўлмади, ҳодиса жойида далилларни ўрганиш давом этмоқда.
Қурбонлар шахси ва жиноят сабаблари ҳақида маълумот берилмади. Полиция ва қуролли кучлар бўлинмалари ҳужум уюштирганларни қидиришга киришди.
Изоҳ (0)