Япония Курил ороллари масаласи ҳал этилиши ва Россия билан тинчлик шартномаси имзоланиши тарафдори. Бу ҳақда мамлакат вазирлар маҳкамаси бош котиби ўринбосари Коити Хагиуда маълум қилди, дея хабар беради «Газета.ru».
Хагиуда Токио Москва билан Япония бош вазири Синдзо Абэ ва Россия президенти Владимир Путин ўртасида юзага келган самимий муносабатларга таяниб музокараларни давом эттиришини билдирди.
«Бош вазир Абэ ва президент Путин мамлакатлар ўртасида 70 йилдан ошиқ вақтдан бери тинчлик шартномаси имзоланмагани билан боғлиқ вазият мантиққа зид экани ҳақида якдил фикрда. Биз ўз томонимиздан тўрт оролнинг мансублик муаммосини ҳал этиб, тинчлик шартномасини тузиш учун музокараларни давом эттириш ниятидамиз», — дея таъкидлади бош котиб ўринбосари.
Изоҳ (0)