Tayvanlik savdogar 300 tonna sabzi saqlagani uchun hibsga olindi

Tayvan rasmiylari narxlar nazorati bilan bog‘liq qalloblikka qo‘l urganlikda gumonlanayotgan savdogarni hibsga oldi. U 300 tonna sabzi saqlayotgani ma’lum bo‘lganidan so‘ng ayblov ilgari surildi. Bu haqda, The China Post nashriga asoslanib, “Interfaks” xabar bermoqda.

Aytilishicha, Gaosyun shahrida meva-sabzavot mahsulotlari narxlarining yuqoriligi yuzasidan tekshiruv o‘tkazildi. Tekshiruv doirasida politsiyachilar xususiy omborxonalardan biriga reyd uyushtirib, u yerda tonnalab sabzi saqlanayotganini aniqladi.

Sabzi egasi hibsga olindi va keyinroq 3 ming dollar garov puli evaziga qo‘yib yuborildi.