Баъзан шундай бўладики, янги фильм ёки севимли сериалнинг янги қисмини кўриш учун мутлақо вақт топиб бўлмайди. Бундай вазиятда сизнинг мобил телефонларингиз, планшетларингиз ва стационар компьютерларингиз ёрдамга келади. Фильмларни бундай қурилмаларда томоша қилиш жуда осон ва фавқулодда қулай, онлайн томоша қилиш имконини тақдим этувчи дастурлар эса ишни янада енгиллаштиради.
Бу масалада сиз ўзингиз учун қизиқарли бирор нимани албатта топа олишингиз мумкин бўлган махсус видеопорталлардан фойдаланишингиз мумкин. Бундай порталларда видео аъло сифатли бўлади, талаблар эса жуда кичик: сиз дастурни юклаб олиб, қурилмангизга ўрнатишингиз ва интернетга мунтазам уланиш имконига эга бўлишингиз керак, холос. Интернетингиз фақат TAS-IX билан чекланган бўлса ҳам, бу сизнинг томошадан завқ олишингизга халал бера олмайди.
Бундан турдаги дастурларда қулай қидирув, фильм ишлаб чиқарилган йил, жанр ва бошқалар бўйича таснифлаш бўлади. Дастурнинг созламаларида барча жиҳатлар билан танишишингиз, интерфейс тилини ўзгартиришингиз ва яна бошқа кўплаб ишларни қилишингиз мумкин. Шунингдек, фильмларнинг қисқача таърифи ва бош рол ижрочиларининг рўйхати ҳам илова қилинади. Фильм ва сериалларни онлайн томоша қилиш имконини берувчи дастурлардан фойдаланар экансиз, исталган бўш вақтингизда ортиқча уринишсиз севимли кино томошасидан баҳра олишингиз мумкин бўлади. Минглаб фильмлар, мультфильмлар ва сериаллардан иборат онлайн-коллекция ҳар доим сиз билан бирга бўлади.
TPS компанияси бир вақтнинг ўзида бир неча етказиб берувчиларнинг рақамли контентидан қулай тарзда фойдаланиш имконини берувчи мультиплатформали Allplay сервисини синов тартибида ишга туширди.
Allplay мобил дастурини телефонингизга ўрнатишингиз билан 60 дан ортиқ телеканалдан иборат рақамли IPTV, www.player.uz сайтидаги севимли сериаллар, шунингдек, allmovies.uz’нинг юқори сифатли HD контентидан фойдаланиш имконига эга бўласиз.
Эслатиб ўтамиз, IPTV — телевизион сигналларни интернет-канал воситасида трансляция қилиш имконини берувчи технологиядир. Бунинг учун бирор-бир қўшимча коммуникация воситалари — антенналар ёки сунъий йўлдош алоқасидан фойдаланишга эҳтиёж йўқ. IPTV’нинг асосий устунлиги — тиниқ овоз ҳамоҳанглигида юқори сифатли тасвирни шакллантириш имкони мавжудлигидир.
Player.uz — кўп йиллардан бери ўз фойдаланувчиларини янги сериаллар, мультфильмлар ва кинолар билан қувонтириб келаётган портал. Мунтазам равишда ҳар куни тўлдириб бориладиган сайт ўзининг осон очилиши, навигациясининг енгиллиги ва қидирув имкониятларининг кенглиги билан барча интернет-провайдерларнинг абонентлари меҳрини қозониб улгурган.
Allmovies.uz — томошабинларга янги кинофильмларни юқори сифатли формат (HD)да тақдим этувчи лойиҳа бўлиб, катта экранларда ҳам ушбу сервисдан фойдаланиш мумкин.
Allplay’ни юклаб олиш билан, бир мобил дастур орқали уч порталдан фойдаланиш имконига эга бўласиз. Томошадан завқ олиш учун энди браузер ойналари бўйлаб уёқдан буёққа ўтишга зарурат йўқ, Allplay сервиси ёрлиғига босиш ёки браузернинг манзил қаторига www.allplay.uz’ни киритишнинг ўзи етарли.
Мобил дастурнинг устун жиҳатлари:
- Унда реклама йўқ;
- Медиа порталдаги фильмлар сони жуда кўп;
- IPTV бўлимида кўрсатувлар жадвали мавжуд;
- Танланган сериалларнинг янги қисмлари ҳақида билдиришнома юборилади;
- Янги фильмлар ва 3D фильмларни белгилаш учун стикерлар;
- Кўриш бошланган ва кўриб бўлинган қисмлар учун стикерлар;
- Каналларни танланган ва оддийга бўлиш имконияти;
- Мобил дастурлари бўйлаб осон ўтиш.
Энди сиз севимли сериалларингизнинг янги қисмлари ва янги фильмларнинг намойишларини ўтказиб юбормайсиз, сизга бу борада смартфонингиз ва компьютерингиз ёрдамга келади. Сиздан талаб қилинадигани эса фақат шу — Allplay мобил дастурини юклаб олинг ёки браузернинг манзил қаторига www.allplay.uz’ни териб, томошани бошланг.
Оила даврасидаги ҳордиқ янада оддий ва қизиқарли бўлишини таъминлаш мақсадида, компания мобил дастурнинг SMART TV учун мўлжалланган талқинини ҳам чиқаришни режалаштирмоқда.
Бу муҳим! Мобил дастурдан фақат Android ва iOS операцион тизимларида фойдаланиш мумкин.
Изоҳ (0)