АҚШнинг Google корпорацияси Android операция тизимидаги етакчилик ҳолатини суиистеъмол қилиш иши бўйича Россия аксилмонопол хизмати фойдасига чиқарилган суд қарорига нисбатан кассация берди. Бу ҳақда «Ведомости» маълум қилди.
Россия аксилмонопол хизматига кўра, Android платформасида Google Play дўкони ишлаши учун корпорация дастури мажбурий тартибда ўрнатилиши, бошқа рақобатчи дастурлар имкониятини чекламаслик учун Google қидириш тизими фойдаланувчи истагига кўра ишлатилиши лозим.
Шунингдек, корпорация Россияда тайёрланадиган мобил қурилмалари ишлаб чиқарувчилари билан келишувни ўзгартириши зарур.
Google хизмат томонидан Россия мобил дастурлар бозоридаги етакчилик ҳолатини суиистеъмол қилгани учун 438,1 миллион рубль жаримага тортилганди.
Изоҳ (0)