Ba’zan shunday bo‘ladiki, yangi film yoki sevimli serialning yangi qismini ko‘rish uchun mutlaqo vaqt topib bo‘lmaydi. Bunday vaziyatda sizning mobil telefonlaringiz, planshetlaringiz va statsionar kompyuterlaringiz yordamga keladi. Filmlarni bunday qurilmalarda tomosha qilish juda oson va favqulodda qulay, onlayn tomosha qilish imkonini taqdim etuvchi dasturlar esa ishni yanada yengillashtiradi.
Bu masalada siz o‘zingiz uchun qiziqarli biror nimani albatta topa olishingiz mumkin bo‘lgan maxsus videoportallardan foydalanishingiz mumkin. Bunday portallarda video a’lo sifatli bo‘ladi, talablar esa juda kichik: siz dasturni yuklab olib, qurilmangizga o‘rnatishingiz va internetga muntazam ulanish imkoniga ega bo‘lishingiz kerak, xolos. Internetingiz faqat TAS-IX bilan cheklangan bo‘lsa ham, bu sizning tomoshadan zavq olishingizga xalal bera olmaydi.
Bundan turdagi dasturlarda qulay qidiruv, film ishlab chiqarilgan yil, janr va boshqalar bo‘yicha tasniflash bo‘ladi. Dasturning sozlamalarida barcha jihatlar bilan tanishishingiz, interfeys tilini o‘zgartirishingiz va yana boshqa ko‘plab ishlarni qilishingiz mumkin. Shuningdek, filmlarning qisqacha ta’rifi va bosh rol ijrochilarining ro‘yxati ham ilova qilinadi. Film va seriallarni onlayn tomosha qilish imkonini beruvchi dasturlardan foydalanar ekansiz, istalgan bo‘sh vaqtingizda ortiqcha urinishsiz sevimli kino tomoshasidan bahra olishingiz mumkin bo‘ladi. Minglab filmlar, multfilmlar va seriallardan iborat onlayn-kolleksiya har doim siz bilan birga bo‘ladi.
TPS kompaniyasi bir vaqtning o‘zida bir necha yetkazib beruvchilarning raqamli kontentidan qulay tarzda foydalanish imkonini beruvchi multiplatformali Allplay servisini sinov tartibida ishga tushirdi.
Allplay mobil dasturini telefoningizga o‘rnatishingiz bilan 60 dan ortiq telekanaldan iborat raqamli IPTV, www.player.uz saytidagi sevimli seriallar, shuningdek, allmovies.uz’ning yuqori sifatli HD kontentidan foydalanish imkoniga ega bo‘lasiz.
Eslatib o‘tamiz, IPTV — televizion signallarni internet-kanal vositasida translyatsiya qilish imkonini beruvchi texnologiyadir. Buning uchun biror-bir qo‘shimcha kommunikatsiya vositalari — antennalar yoki sun’iy yo‘ldosh aloqasidan foydalanishga ehtiyoj yo‘q. IPTV’ning asosiy ustunligi — tiniq ovoz hamohangligida yuqori sifatli tasvirni shakllantirish imkoni mavjudligidir.
Player.uz — ko‘p yillardan beri o‘z foydalanuvchilarini yangi seriallar, multfilmlar va kinolar bilan quvontirib kelayotgan portal. Muntazam ravishda har kuni to‘ldirib boriladigan sayt o‘zining oson ochilishi, navigatsiyasining yengilligi va qidiruv imkoniyatlarining kengligi bilan barcha internet-provayderlarning abonentlari mehrini qozonib ulgurgan.
Allmovies.uz — tomoshabinlarga yangi kinofilmlarni yuqori sifatli format (HD)da taqdim etuvchi loyiha bo‘lib, katta ekranlarda ham ushbu servisdan foydalanish mumkin.
Allplay’ni yuklab olish bilan, bir mobil dastur orqali uch portaldan foydalanish imkoniga ega bo‘lasiz. Tomoshadan zavq olish uchun endi brauzer oynalari bo‘ylab uyoqdan buyoqqa o‘tishga zarurat yo‘q, Allplay servisi yorlig‘iga bosish yoki brauzerning manzil qatoriga www.allplay.uz’ni kiritishning o‘zi yetarli.
Mobil dasturning ustun jihatlari:
- Unda reklama yo‘q;
- Media portaldagi filmlar soni juda ko‘p;
- IPTV bo‘limida ko‘rsatuvlar jadvali mavjud;
- Tanlangan seriallarning yangi qismlari haqida bildirishnoma yuboriladi;
- Yangi filmlar va 3D filmlarni belgilash uchun stikerlar;
- Ko‘rish boshlangan va ko‘rib bo‘lingan qismlar uchun stikerlar;
- Kanallarni tanlangan va oddiyga bo‘lish imkoniyati;
- Mobil dasturlari bo‘ylab oson o‘tish.
Endi siz sevimli seriallaringizning yangi qismlari va yangi filmlarning namoyishlarini o‘tkazib yubormaysiz, sizga bu borada smartfoningiz va kompyuteringiz yordamga keladi. Sizdan talab qilinadigani esa faqat shu — Allplay mobil dasturini yuklab oling yoki brauzerning manzil qatoriga www.allplay.uz’ni terib, tomoshani boshlang.
Oila davrasidagi hordiq yanada oddiy va qiziqarli bo‘lishini ta’minlash maqsadida, kompaniya mobil dasturning SMART TV uchun mo‘ljallangan talqinini ham chiqarishni rejalashtirmoqda.
Bu muhim! Mobil dasturdan faqat Android va iOS operatsion tizimlarida foydalanish mumkin.
Izoh (0)