T-Mobile уяли алоқа оператори АҚШнинг алоқа бўйича федерал комиссияси даъволарини бартараф этиш учун 48 миллион доллар жарима ва товон тўлайди. Комиссия операторни реклама кампаниясида хизматлари ҳақида тўлиқ маълумот тақдим этмай, мижозларни чалғитганликда айбламоқда. Бу ҳақда «ТАСС» хабар берди.
Комиссияга кўра, T-Mobile мобил ва интернет-алоқа фойдаланувчиларига гўёки чекланмаган кирувчи ва чиқувчи трафикларни тақдим этган, бироқ абонентлар кўчириб олинган ва етказиб берилган маълумотлар бўйича маълум бир лимитни ошириб юборгач, интернетга уланиш тезлиги пасайтирилган. Ушбу лимит қайси даражада ўрнатилгани ҳақида фойдаланувчиларга маълумот берилмаган.
48 миллион доллардан бевосита жарима суммаси 7,5 миллион долларни ташкил этади, 35,5 миллион доллар мижозларга товон тўлаш учун йўналтирилади. Қолган 5 миллион долларни T-Mobile хайрия мақсадларига, жумладан, мактаблар ва кўп болали камхарж оилаларни бепул интернет-алоқа билан таъминлашга сарфлаши кўзда тутилган.
Изоҳ (0)